İnternet resurslarında yayımlanan mahnılar Azərbaycan gəncliyinə nəyi təlqin edir?
Bakı, 6 aprel, AZƏRTAC
Mahnıların monitorinqi zamanı ədəbi dilimizin orfoepik normalarının pozulması bizi narahat edən məsələlərdən idi.
AZƏRTAC xəbər verir ki, bunu jurnalistlərə açıqlamasında Dövlət Dil Komissiyası yanında Monitorinq Mərkəzinin direktoru professor Sevinc Əliyeva deyib. Onun sözlərinə görə, monitorinq zamanı vacib məsələlərdən biri də internet resurslarında yayımlanan mahnılarda Azərbaycanın milli-mənəvi dəyərlərinin necə təbliğ olunmasıdır: “Bu mahnılar Azərbaycan gəncinə nəyi təlqin edir? Böyüməkdə olan nəslin yetişməsinə böyük ziyan verir. Bu mahnıların aradan qaldırılması üçün, internet vasitəsilə yayılmasının qarşısını almaq üçün sözümüzü deməliyik. Teleməkanda bu kimi mahnıların qadağan olunması Azərbaycan mədəniyyətinə böyük töhfə olacaq.
Bayağı musiqilər həddən artıq çoxdur. Monitorinq zamanı on minlərlə baxışı olan elə mahnıları dinlədik. Bu mahnılar gənclərimizi hansı ruhda yetişdirir? Nəyə çağırış edir? Arzuolunmaz mahnılardır. Bu mahnılar retro musiqilərin yenidən aranjiman edilməsi üçün zəmin yaradır”.
Bölmənin digər xəbərləri
