İQTİSADİ ƏMƏKDAŞLIQ ÜZRƏ AZƏRBAYCAN-GÜRCÜSTAN HÖKUMƏTLƏRARASI İQTİSADİ KOMİSSİYASININ İCLASININ PROTOKOLU İMZALANMIŞDIR
Gürcüstanın Azərbaycana borcunun restrukturizasiyası sənədini isə Azərbaycan tərəfindən maliyyə naziri Samir Şərifov, Gürcüstan tərəfindən onun həmkarı Aleksi Aleksişvili imzalamışlar.
Gürcüstanın Baş naziri komissiya üzvlərinə, ekspertlərə səmərəli fəaliyyətə görə təşəkkür etmiş, Batumidə məhsuldar görüş keçirildiyini, energetika sahəsində əməkdaşlıq, Azərbaycandan əlavə qaz alınmasına dair müzakirələr aparıldığını və danışıqların davam etdiriləcəyini bildirmişdir. Z.Noğaideli Qars-Axalkalaki-Tbilisi-Bakı dəmir yolunun çəkilişi ilə bağlı dəmir yolu idarələri rəhbərlərinin, ekspertlərin bu istiqamətdə işi davam etdirdiklərindən, Gürcüstan iqtisadiyyatına Azərbaycan sərmayəsinin cəlb olunması üçün prinsipial razılaşma əldə edildiyindən danışmışdır.
Artur Rasizadə isə demişdir ki, birgə layihələr yalnız Gürcüstan, Azərbaycan üçün deyil, bütün bölgə üçün əhəmiyyət daşıyır. Biz Gürcüstanla qeyri-neft sektorunda əməkdaşlığı da genişləndirmək niyyətindəyik. Turizm, xidmət sahələrində yaxşı ənənəyə malik Gürcüstanla əməkdaşlıq, zənnimcə, yaxşı nəticə verər. Mədəni, humanitar sahələrdə də əlaqələri inkişaf etdirmək barədə razılıq əldə olunmuşdur.
Bölmənin digər xəbərləri
