İqtisadiyyat Nazirliyinin əməkdaşları arasında şahmat turniri keçirilir
Bakı, 4 aprel, AZƏRTAC
İqtisadiyyat Nazirliyinin Birləşmiş Həmkarlar İttifaqı Komitəsinin və Azərbaycan Şahmat Federasiyasının birgə təşkilatçılığı ilə İqtisadiyyat Nazirliyi Aparatının və tabeliyindəki qurumların əməkdaşları arasında “Bahar kuboku” şahmat turnirinə start verilib.
Nazirliyin mətbuat xidmətindən AZƏRTAC-a bildirilib ki, turnir qurumun əməkdaşlarının asudə vaxtının səmərəli təşkili, zehni inkişafın və sağlam həyat tərzinin təbliği məqsədilə təşkil olunub. Nazirliyin 80-dən çox əməkdaşının iştirak etdiyi yarışlara aprelin 16-da yekun vurulacaq.
Bölmənin digər xəbərləri
