İraqın şimalında və Suriyada PKK-ya ağır zərbə vurulub
Ankara, 25 iyun, AZƏRTAC
Türkiyə Hərbi Hava Qüvvələrinin qırıcıları İraqın şimalındakı Haftanin bölgəsində terror düşərgələrinə növbəti dəfə dəqiq aviazərbələr endiriblər.
AZƏRTAC Türkiyə Milli Müdafiə Nazirliyinə istinadla məlumat verir ki, “Pəncə-Qaplan” antiterror əməliyyatları çərçivəsində daha beş PKK terrorçusu məhv edilib.
Suriya ərazisində həyata keçirilən “Sülh çeşməsi” antiterror əməliyyatı bölgəsində isə PKK/YPG terror təşkilatlarına məxsus bomba yüklü avtomobil partladılaraq zərərsizləşdirilib. Terrorçuların həmin avtomobillə mülki əhaliyə qarşı terror aktı həyata keçirməyi planlaşdırdıqları müəyyənləşdirilib.
Sabir Şahtaxtı
AZƏRTAC-ın xüsusi müxbiri
Ankara
Bölmənin digər xəbərləri
