İrina Zaretska “Minsk 2019”da karate yarışlarının yarımfinalına yüksəlib
Bakı, 29 iyun, AZƏRTAC
İyunun 29-da “Minsk 2019” ikinci Avropa Oyunlarında Azərbaycanın qadın karateçisi İrina Zaretska (68 kq) kumite yarışlarının yarımfinalına yüksəlib.
AZƏRTAC xəbər verir ki, qrup mərhələsində keçirdiyi üç görüşün ikisini qələbə, birini isə heç-heçə başa vuran idmançımız qrup birincisi kimi yarımfinala yüksəlib. Qrupda ilk görüşdə İtaliya təmsilçisi Silvia Semeraronu xalsız heç-heçə edən idmançımız ikinci qarşılaşmada fransalı Alize Aqieni (7:2), daha sonra isə slovakiyalı Miroslava Kopunovanı (6:0) məğlubiyyətə uğradıb. Nəticədə 13 xal toplayan karateçimiz yarımfinalda iştirak hüququ qazanıb.
“Bakı 2015” birinci Avropa Oyunlarının qalibi olan İrina Zaretska cari ildə Karate 1 Premyer Liqa turnirində ikinci yeri tutub. O, ötən il dünya çempionatında birinci yeri tutub.
Bölmənin digər xəbərləri
