İSPANİYA MÜSƏLMANLARI İSLAM ƏLEYHİNƏ KƏSKİN ÇIXIŞLARIN QURBANI OLMAQ İSTƏMİRLƏR

13.04.2004 [20:56]
Çap et
A⁺ A^-

AZƏRTAC xəbər verir ki, İngiltərənin “Financial Times” qəzetinin yazdığına görə, İspaniyanın müsəlman əhalisi indiyədək cəmiyyətdə hökm sürən islam əleyhinə kəskin çıxışların passiv qurbanı olmaq istəmir. Avropanın bu ölkəsində yaşayan müsəlmanlar “İslam terrorizmi” termininin işlədilməsini kəskin surətdə pisləmişlər. İslamı qəbul edən psixoloq Mansur Eskudero bildirmişdir ki, məsələyə belə yanaşmaq kökündən səhvdir. Bu məntiqə görə, bask ekstremistlərini “katolik terrorçular” adlandırmaq lazımdır.

İspaniya müsəlmanları siyasətdə də fəal iştirak edirlər. Məsələn, bu ölkədən bir müsəlman iyun ayında ümumavropa seçkilərinə qatılacaq Sosialist Partiyasının siyahısına daxil edilmişdir.

İspaniyada hakimiyyətə gəlmiş sosialistlər əvvəlki hökumətin məktəblərdə katolik fənlərin keçilməsi planlarını dayandırmışlar. Bununla belə, İslamın məktəb proqramına daxil edilməsinin və müsəlman məktəblilər üçün xüsusi siniflər açılmasının mümkünlüyü ilə bağlı müzakirələrin konkret qərarlar qəbul olunması ilə nəticələnməsi ehtimalı yüksəkdir.

İSPANİYA MÜSƏLMANLARI İSLAM ƏLEYHİNƏ KƏSKİN ÇIXIŞLARIN QURBANI OLMAQ İSTƏMİRLƏR

MÜƏLLİFLƏ ƏLAQƏ

Bölmənin digər xəbərləri