İspaniyada daşınmaz əmlak almaq üçün münasib vaxtdır
Madrid, 27 oktyabr, AZƏRTAC
Standard &Poor's (S&P) reytinq agentliyi Avropanın müxtəlif ölkələrində daşınmaz əmlakın qiymətinin dəyişməsinə dair proqnoz dərc edib.
AZƏRTAC xəbər verir ki, bu siyahıda İspaniya qiymətlərin ən ciddi dəyişməsi gözənilən ölkələrdən biri kimi göstərilir. Belə ki, analitiklər daşınmaz əmlakın qiymətinin əvvəlcə düşəcəyini, sonra isə tezliklə artacağını gözləyirlər.
Koronavirus pandemiyası ilə əlaqədar, cari ilin yekunlarına görə daşınmaz əmlak 1,4 faiz ucuzlaşacaq. Lakin 2021-ci ildə bu qiymətlər 1,8 faiz, 2022-ci ildə 4,5 faiz, 2023-cü ildə 3,6 faiz artacaq.
Bu proqnozlara inansaq, Avropa ölkələrinin çoxunda qiymətlərin artması gözlənilir. Məsələn, Almaniyada gələn il bu artım 2 faiz, Portuqaliyada isə 1,2 faiz olacaq. Lakin analitiklərin fikrincə, 2021-ci ildə qiymətlərin 0,5 faiz azalacağı, sonra isə 0,5-1 faiz artacağı ehtimal edilir.
Nigar Cəfərli
AZƏRTAC-ın xüsusi müxbiri
Madrid
Bölmənin digər xəbərləri
