İSTANBULDA KÜLLİ MİQDARDA QAÇAQMAL MÜSADİRƏ EDİLMİŞDİR
AZƏRTAC-ın xüsusi müxbiri xəbər verir ki, İstanbul valisi Müəmmər Gülər kütləvi informasiya vasitələri nümayəndələri üçün keçirdiyi brifinqdə bildirmişdir ki, polis əməkdaşları Almaniyadan gələn yük maşınında axtarış aparmışlar. Avtomaşında 13 milyon ABŞ dolları məbləğində elektron əşya tapılmışdır. Mobil telefonlar, diktafonlar, videokameralar, fotoaparatlar, şərab şüşələri, şokalad qutuları və digər müxtəlif növ mal və əşyanın olduğu avtomobildəki bütün mallar ölkəyə qeyri-qanuni yolla gətirilmiş və heç bir gömrük rüsumu ödənməmişdir. Bu malların qara bazarlarda satılması nəzərdə tutulmuşdur. Polisin əməliyyatı nəticəsində 9 nəfər qaçaqmalçı yaxalanmışdır. İstintaq aparılır.
Bölmənin digər xəbərləri
