İSTANBULDA XOCALI SOQIRIMININ 17-Cİ İLDÖNÜMÜ MÜNASİBƏTİLƏ YÜRÜŞ-MİTİNQ KEÇİRİLMİŞDİR

26.02.2009 [22:52]
Çap et
A⁺ A^-

Ankara, 26 fevral (AZƏRTAC). İstanbulun mərkəzindəki Bəyoğlu prospektində Xocalı soyqırımının 17-ci ildönümü ilə bağlı yürüş keçirilmişdir. Türkiyə-Azərbaycan Dostluq Dərnəyi və digər qeyri-hökumət təşkilatlarının təşkil etdikləri yürüş iştirakçıları Taksim meydanında mitinq keçirmişlər.

Mitinqdə iştirak edən ölkəmizin İstanbuldakı baş konsulu Səyyad Aran, Türkiyə-Azərbaycan Dostluq Dərnəyinin sədri Salih Bayrakdar, Azərbaycanlıların Həmrəylik Dərnəyinin sədri Timur Səlcuk mətbuat nümayəndələri qarşısında Xocalı soyqırımı və ermənilərin törətdikləri vəhşiliklərlə bağlı çıxış etmişlər.

Əllərində Azərbaycan və Türkiyənin dövlət bayraqlarını, “Xocalı yalnız deyildir”, “Xocalıya ədalət”, “Qarabağ Azərbaycanındır”, “Qarabağın işğalını və Xocalı qətliamını unutma!” şüarlarını tutmuş mitinq iştirakçıları Xocalı soyqırımının günahkarlarının cəzalandırılmasını, işğal olunmuş Azərbaycan torpaqlarının azad olunmasını tələb etmişlər.

Oqtay Bayramov

AZƏRTAC-ın xüsusi müxbiri

Ankara