İstehsalat sahələrində “Fərdi mühafizə vasitələrindən düzgün istifadə qaydaları” mövzusunda seminarlar keçirilmişdir
Bakı, 16 fevral (AZƏRTAC). Azərbaycan Respublikası Dövlət Neft Şirkətinin (ARDNŞ) Ekologiya İdarəsinin istehsalat sahələrində işçilərin fərdi mühafizə vasitələrindən tam və düzgün istifadəsini təmin etmək məqsədi ilə “Fərdi mühafizə vasitələrindən (FMV) istifadə qaydaları” mövzusunda seminarlar keçirilmişdir.
AZƏRTAC xəbər verir ki, ilk seminar əməyin mühafizəsi, təhlükəsizlik texnikası (ƏMTT) və beynəlxalq idarəetmə sistemlərinin (BİST) tətbiqi şöbəsi tərəfindən “Eko-Park”ın işçi heyəti ilə keçirilmişdir. Seminarda, ƏMTT və BİST şöbəsinin mühəndisləri işlərin təhlükəsiz görülməsində fərdi mühafizə vasitələrinin rolu və onlardan düzgün və tam istifadə qaydaları haqqında məlumat vermişlər. Seminar iştirakçıları ilə hər bir işin ahənginə uyğun lazımi FMV-dan istifadə, onlara qulluq və texniki xidmətin göstərilməsi və sairə haqqında geniş müzakirələr aparılmışdır.
Qeyd edək ki, işçilərin fərdi təhlükəsizlik səviyyəsini artırmaq məqsədi daşıyan belə seminarların keçirilməsi ekologiya idarəsinin bütün struktur bölmələrində mütəmadi olaraq keçirilir.
Bölmənin digər xəbərləri
