İtaliyanın cənubunda quraqlıq səbəbindən fövqəladə vəziyyət elan olunub
Roma, 27 iyul, AZƏRTAC
İtaliyanın cənubunda yerləşən Kalabriya regionunda quraqlıq və içməli su çatışmazlığı səbəbindən fövqəladə vəziyyət elan edilib.
AZƏRTAC xəbər verir ki, bu barədə Kalabriya regionunun rəhbəri Roberto Okchiuto fərman imzalayıb.
Fərmana əsasən, Krotone əyalətində və Reggio şəhərində ciddi içməli su çatışmazlığı ilə əlaqədar mülki müdafiə qüvvələrinin fövqəladə vəziyyəti elan olunub. Regional Mülki Müdafiə Departamenti və aidiyyəti bələdiyyələr əhaliyə yardımla bağlı atılacaq addımlara, ehtiyacların operativ şəkildə araşdırılmasına başlayıb.
Qeyd edək ki, həftəsonu İtaliya ərazisində anomal istilər müşahidə olunacaq. Bəzi bölgələrdə havanın temperaturu 40 dərəcəni ötəcək.
Nihad Budaqov
AZƏRTAC-ın xüsusi müxbiri
Roma
Bölmənin digər xəbərləri
