İtaliyanın sabiq Baş naziri Silvio Berluskoni xəstəxanaya yerləşdirilib

05.04.2023 [18:14]
Çap et
A⁺ A^-

Roma, 5 aprel, AZƏRTAC

İtaliyanın sabiq Baş naziri və “İrəli İtaliya” Partiyasının sədri Silvio Berluskoni xəstəxanaya yerləşdirilib.

AZƏRTAC xəbər verir ki, ürək-damar problemlərinə görə Milandakı “San Raffaele” xəstəxanasının reanimasiya şöbəsində müalicə olunan 86 yaşlı Berluskoninin vəziyyəti hazırda sabitdir.

İtaliyanın Baş nazirinin müavini, xarici işlər və beynəlxalq əməkdaşlıq naziri Antonio Tayani S.Berluskoninin səhhətindəki əvvəlki probleminin yenidən başladığı üçün xəstəxanaya yerləşdirildiyini, onun ayıq vəziyyətdə olduğunu və danışa bildiyini bildirib.

Xatırladaq ki, Silvio Berluskoni ötən ayın sonlarında xəstəxanaya yerləşdirilmiş və martın 30-da evə buraxılmışdı.

Nihad Budaqov

AZƏRTAC-ın xüsusi müxbiri

Roma