İyulda havanın orta aylıq temperaturu iqlim normasından bir qədər yüksək olacaqdır
Bakı, 30 iyun (AZƏRTAC). İyulda havanın orta aylıq temperaturunun iqlim normasından bir qədər yüksək olacağı, yağıntıların ölkə ərazisində qeyri-bərabər paylanacağı gözlənilir.
Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, aylıq yağıntının miqdarı iqlim normasına yaxın, bəzi yerlərdə isə normadan bir qədər çox olacaqdır. Birinci ongünlükdə tez-tez şimal-qərb küləyinin güclənəcəyi gözlənilir.
Bakıda və Abşeron yarımadasında orta aylıq temperaturun 26-28° isti olacağı gözlənilir ki, bu da iqlim normasından bir qədər yüksəkdir. Temperatur gecələr 20-25°, gündüzlər 29-34° isti olacaq, ayrı-ayrı günlərdə 36-39°-dək yüksələcəkdir. Aylıq yağıntının miqdarının iqlim normasına yaxın (norma 2-3 mm), bəzi yerlərdə isə bir qədər çox olacağı gözlənilir.
Naxçıvan Muxtar Respublikasında orta aylıq temperatur 26-29° isti olacaqdır ki, bu da iqlim normasından bir qədər yüksəkdir. Havanın temperaturu gecələr 17-22°, gündüzlər 30-35° isti olacaq, ayrı-ayrı günlərdə 38-42°-dək yüksələcəkdir. Aylıq yağıntının miqdarı iqlim normasına yaxın (norma 6-16 mm) olacaqdır.
Yuxarı Qarabağ, İstisu-Laçın, Daşkəsən-Gədəbəy zonalarında orta aylıq temperatur 18-21° isti olacaqdır ki, bu da iqlim normasından bir qədər yüksəkdir. Temperatur gecələr 12-17°, gündüzlər 22-27° isti olacaq, ayrı-ayrı günlərdə isə 30-35°-dək yüksələcəkdir. Aylıq yağıntının miqdarının iqlim normasına yaxın (norma 36-73 mm), bəzi yerlərdə isə bir qədər çox olacağı gözlənilir.
Qazax-Gəncə, Ağdam-Füzuli-Cəbrayıl zonasında orta aylıq temperatur 25-28° isti olacaqdır ki, bu da iqlim normasından bir qədər yüksəkdir. Temperatur gecələr 17-22°, gündüzlər 27-32° isti təşkil edəcək, ayrı-ayrı günlərdə 35-39°-dək yüksələcəkdir. Aylıq yağıntının miqdarı iqlim normasına yaxın (norma 10-32 mm) olacaqdır.
Balakən-Şəki-Qəbələ, Şamaxı-İsmayıllı, Quba-Qusar-Xaçmaz zonalarında orta aylıq temperatur 24-27° isti olacaqdır ki, bu da iqlim normasından 1-2° yüksəkdir.
Havanın temperaturu gecələr 15-20°, gündüzlər 25-30° isti olacaq, ayrı-ayrı günlərdə 33-37°-dək yüksələcəkdir. Aylıq yağıntının miqdarı iqlim normasına yaxın (norma 9-118 mm) olacaqdır.
Mərkəzi-Aran rayonlarında orta aylıq temperaturun 27-30° isti olacağı gözlənilir ki, bu da iqlim normasından bir qədər yüksəkdir.
Temperatur gecələr 20-25°, gündüzlər 31-36° isti olacaq, ayrı-ayrı günlərdə 38-41°-dək yüksələcəkdir. Aylıq yağıntının miqdarı iqlim normasına yaxın (norma 3-22 mm) olacaqdır.
Masallı-Lənkəran-Astara Lerik-Yardımlı zonasında orta aylıq temperatur 26-28° isti olacaqdır ki, bu da iqlim normasından bir qədər yüksəkdir. Temperatur gecələr 19-24°, gündüzlər 29-34° olacaq, ayrı-ayrı günlərdə 36-39°-dək yüksələcəkdir. Aylıq yağıntının miqdarı iqlim normasına yaxın (norma 7-33 mm) olacaqdır.
Bölmənin digər xəbərləri
