İZMİRDƏ XOCALI SOYQIRIMININ 17-Cİ İLDÖNÜMÜNƏ HƏSR OLUNMUŞ KONFRANS KEÇİRİLMİŞDİR
Ankara, 26 fevral (AZƏRTAC). Türkiyənin İzmir şəhərində Azərbaycan Mədəniyyət Evi və Həmrəylik Dərnəyi burada təhsil alan azərbaycanlı tələbələrlə birlikdə Xocalı soyqırımının 17-ci ildönümü münasibətilə Atatürk liseyində konfrans təşkil etmişdir.
Ege Universitetinin professorları Məhmət Ersan "Erməni məsələsi dünəndən bu günə", Əli Erol “Qarabağ məsələsinə mədəni yanaşmalar", Doqquz Sentyabr Universitetinin professoru Anar Xəlilov "Aİ İnsan Haqları sözləşməsi ucbatından Xocalıda və ondan sonrakı hadisələrdə yaşananlar" mövzularında mühazirələr oxumuşlar.
Konfransdan sonra Heydər Əliyev Fondunun təbliğat materiallarından ibarət sərginin açılışı olmuş, Xocalı soyqırımından bəhs edən film nümayiş etdirilmişdir.
Azərbaycanlı tələbələrin hazırladıqları "Xocalı harayı" tamaşası da seyr edilmişdir.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
