“Kayrat” - “Qarabağ” oyununu Moldovadan olan hakimlər briqadası idarə edəcək
Bakı, 2 noyabr, AZƏRTAC
UEFA Avropa Konfrans Liqasının qrup mərhələsi çərçivəsində keçiriləcək “Kayrat” (Qazaxıstan) - “Qarabağ” (Ağdam) oyununu idarə edəcək hakimlər məlum olub.
AZƏRTAC xəbər verir ki, qarşılaşmanı Moldovadan olan hakimlər briqadası idarə edəcək. Matçın baş hakimi Dumitri Muntyana olacaq. Ona Andrey Bodyan və Viktor Mardari kömək edəcəklər. Dördüncü hakim funksiyasını Vyaceslav Banari yerinə yetirəcək.
Noyabrın 4-də Almatı şəhərindəki "Ortalık" stadionunda keçiriləcək görüş Bakı vaxtı ilə saat 19:30-da start götürəcək.
Bölmənin digər xəbərləri
