Kənd təsərrüfatı nazirinin müavini Şəmkirdə vətəndaşlarla görüşəcək
Bakı, 12 oktyabr, AZƏRTAC
Kənd təsərrüfatı nazirinin müavini İlhamə Qədimova oktyabrın 17-də, saat 10:00-da Şəmkir Dövlət Aqrar İnkişaf Mərkəzinin inzibati binasında vətəndaşları qəbul edəcək.
Kənd Təsərrüfatı Nazirliyinin İctimaiyyətlə əlaqələr və informasiya təminatı şöbəsindən AZƏRTAC-a bildirilib ki, vətəndaş qəbulunda iştirak etmək istəyən şəxslər Kənd Təsərrüfatı Nazirliyinin “Çağrı Mərkəzi”nə (1652) və Şəmkir Dövlət Aqrar İnkişaf Mərkəzinə (050-295-74-46) zəng etməklə qeydiyyatdan keçə bilərlər.
Qəbula gələn vətəndaşlar əvvəlcədən qeydiyyatdan keçməli və şəxsiyyətlərini təsdiq edən sənədləri özləri ilə gətirməlidirlər.
Bölmənin digər xəbərləri
