KİYEVDƏ AZƏRBAYCANIN DÖVLƏT MÜSTƏQİLLİYİ GÜNÜ QEYD EDİLMİŞDİR
Kiyev, 17 oktyabr (AZƏRTAC). Oktyabrın 17-də Ukrayna Azərbaycanlıları Konqresinin (UAK) Kiyev şəhər təşkilatının himayəsi ilə Ukrayna paytaxtının Qoloseyev rayonundakı 38 nömrəli orta ümumtəhsil məktəbinin Azərbaycan sinfində Azərbaycanın Dövlət Müstəqilliyi gününə həsr olunmuş bayram tədbiri keçirilmişdir.
Azərbaycan Respublikasının dövlət himni səsləndirildikdən sonra müəllimə Səfayə Naibova tədbirə toplaşanlara bu tarixi hadisə, Azərbaycan xalqının ümummilli lideri, dünya miqyaslı böyük şəxsiyyət Heydər Əliyev və onun layiqli varisi Azərbaycan Respublikasının Prezidenti İlham Əliyevin uğurlu siyasəti barədə ətraflı məlumat vermişdir.
Azərbaycanın Ukraynadakı səfirliyinin müşaviri Yeganə Qafqazlı, UAK Kiyev Şəhər Təşkilatının sədri Oleq Krapivin, Ukrayna Milli Aviasiya Akademiyasının dosenti Arif Quliyev və başqaları çıxış edərək ürək sözlərini bildirmişlər.
Sonra diaspor fəallarına UAK-ın fəxri üzvü vəsiqələri təqdim olunmuşdur.
Tədbir bayram konserti ilə başa çatmışdır.
Zeynal Ağazadə
AZƏRTAC-ın xüsusi müxbiri
Bölmənin digər xəbərləri
