Kolleclərə qəbul üçün 5 mindən çox abituriyent ərizəsini təsdiqlədib
Bakı, 5 aprel, AZƏRTAC
Ümumi (9 illik) orta təhsil bazasında 2023/2024-cü tədris ili üçün orta ixtisas təhsili müəssisələrinə (kolleclər) tələbə qəbul davam edir.
AZƏRTAC Dövlət İmtahan Mərkəzinin saytına istinadla xəbər verir ki, bu gün saat 16:20-yə olan məlumata görə, 5617 (Azərbaycan bölməsi -5428; rus bölməsi - 189) abituriyent ərizəsini təsdiq edib.
Ərizə qəbulu aprelin 24-dək internet vasitəsilə aparılır. Abituriyentlər DİM-in ekabinet.dim.gov.az internet səhifəsində “Şəxsi kabinet” yaratdıqdan sonra müvafiq səhifəyə daxil olub, “Abituriyentin elektron ərizəsi” formasını doldurur və ərizəni təsdiq edirlər.
Sənəd qəbulu haqqında elanın tam mətni Mərkəzin saytında yerləşdirilib.
Bölmənin digər xəbərləri
