Konfrans Liqası: “Sumqayıt”, “Zirə” və “Sabah” mübarizəyə başlayır
Bakı, 25 iyul, AZƏRTAC
Bu gün Azərbaycanı UEFA Konfrans Liqasında təmsil edən “Sumqayıt”, “Zirə” və “Sabah” komandaları II təsnifat mərhələsində mübarizəyə başlayırlar.
AZƏRTAC xəbər verir ki, Samir Abasovun rəhbərlik etdiyi “kimyaçılar” doğma meydanda Macarıstan “Fehervar”ı ilə qarşılaşacaq. Görüş 20:00-da start götürəcək.
Saat 20:30-da isə “Zirə” Mərdəkanda Slovakiyanın “Dunayska Ştreda” komandasını sınağa çəkəcək.
Digər təmsilçimiz “Sabah” isə Macarıstanda “Makkabi”nin (Hayfa, İsrail) qonağı olacaq. Qarşılaşmanın start fiti 21:15-də səslənəcək.
Qeyd edək ki, hər üç komandamız cavab görüşünü bir həftə sonra keçirəcək.
Bölmənin digər xəbərləri
