KÜR ÇAYININ BƏRDƏ RAYONU ƏRAZİSİNDƏN KEÇƏN HİSSƏSİNDƏ DAŞQIN TƏHLÜKƏSİ YOXDUR
Bərdə, 8 iyun (AZƏRTAC). Kür çayının Bərdə rayonu ərazisindən keçən hissəsində daşqın təhlükəsi aradan qaldırılmışdır.
Rayon İcra hakimiyyəti başçısının birinci müavini, fövqəladə hallar komissiyasının sədri Məzahir Qasımov bildirmişdir ki, daşqın təhlükəsinin aradan qaldırılması üçün rayonun daxili imkanları hesabına, idarə və təşkilatların, eləcə də yerli əhalinin köməyi ilə Nazırlı, Məmmədli, Çələbilər kəndləri ərazisində 6 kilometr uzunluğunda bənbərkitmə işləri aparılmış, bəndlərə 100 min kisə torpaq vurulmuşdur.
Bəndbərkitmə işlərinə 30-dan çox texnika və 2 min nəfər işçi qüvvəsi cəlb edilmişdir. Rayon ərazisində daşqın təhlükəsi olan ərazilər nəzarətə götürülmüş, yarana biləcək təhlükənin qarşısı alınmışdır.
Bölmənin digər xəbərləri
