Kürdəmirin daha dörd kəndində sutəmizləyici qurğu tikiləcəkdir
Kürdəmir, 24 fevral (AZƏRTAC). Kürdəmir rayonunda kənd yaşayış məntəqələrinin ekoloji cəhətdən təmiz içməli su ilə təmin edilməsi istiqamətində ardıcıl tədbirlər həyata keçirilir.
AZƏRTAC xəbər verir ki, Azərbaycan Prezidenti İlham Əliyevin 2011-ci il 26 avqust tarixli Sərəncamı ilə rayonda beş min nəfər əhalinin yaşadığı Şahbəyli, Sor-sor, Ərşəli, Muğanlı və Xınıslı kəndlərində modul tipli sutəmizləyici qurğular istifadəyə verilmişdir.
Qeyd edək ki, hazırda Təklə kəndində də bu cür qurğunun tikintisi ilə əlaqədar sənədləşmə işlərinə başlanılmışdır. Bundan əlavə, bu il minlərlə sakinin yaşadığı daha üç kənddə modul tipli sutəmizləyici qurğunun istismara verilməsi planlaşdırılır. Bu məqsədlə kəndlərdə müvafiq yerlər ayrılmışdır.
Bölmənin digər xəbərləri
