KÜRÜN SƏVİYYƏSİNİN QALXMASI KÜRDƏMİRİN 14 KƏNDİNDƏ CİDDİ PROBLEMLƏR YARATMIŞDIR
Rayon fövqəladə hallar üzrə komissiyasının sədri, icra hakimiyyəti başçısının birinci müavini Sabit Xəlilov AZƏRTAC-ın müxbirinə bildirmişdir ki, Mollakənd, Çərtəyəz, Köhünlü, Şüşün, Sovla və Carlı kəndlərində gərginlik daha çoxdur. Yaranmış vəziyyət ilə əlaqədar Şamaxı Regional Mülki Müdafiə Şöbəsinin nümayəndələri Kürdəmirə gəlmişlər. Dövlət Tikinti və Arxitektura Komitəsinin, Dövlət Meliorasiya və Su Təsərrüfatı Agentliyinin, İqtisadi İnkişaf və Maliyyə nazirlikləri mütəxəssislərinin rayona ezam ediləcəyi gözlənilir.
Yaradılmış komissiya hazırda təbii fəlakət zonasındadır. Kəndlərə xeyli texnika, su nasosu göndərilmiş, həyətyanı sahələrdən suyun kənara vurulmasına başlanmışdır.
