KÜRÜN ZƏRDAB RAYONUNDAN KEÇƏN HİSSƏSİNDƏ SUYUN SƏVİYYƏSİ TƏXMİNƏN 30 SANTİMETR QALXMIŞDIR
Zərdab, 1 iyun (AZƏRTAC). Kürün Zərdab rayonundan keçən hissəsində suyun səviyyəsi təxminən 30 santimetr qalxmış və bənddə sızma baş vermişdir. Sızmanın qeydə alındığı ərazidə texnikanın işləməsi mümkün olmadığı üçün bəndin bərkidilməsinə rayonun təxminən 1000 sakini və Fövqəladə Hallar Nazirliyinin 80 əməkdaşı cəlb olunmuşdur. Sızmanın qarşısı alınsa da, çayda suyun səviyyəsinin yenidən arta biləcəyi ehtimalı nəzərə alınaraq, bəndin bərkidilməsi işləri davam etdirilir.
Rayon Fövqəladə Hallar Komissiyasından bildirmişlər ki, hazırda Kürün Zərdabdan keçən hissəsində suyun axma sürəti saniyədə 1,256 kubmetrdir ki, bu da son 100 ildə ən yüksək səviyyədir.
Bölmənin digər xəbərləri
