Latviya səhiyyə naziri özünütəcrid rejiminə keçib
Riqa, 19 fevral, AZƏRTAC
Latviya səhiyyə naziri Daniel Pavlyuts COVID-19-a yoluxmuş şəxslə təmasda olub.
AZƏRTAC Latviya mətbuatına istinadla xəbər verir ki, bu barədə məlumatı nazir özünün “Twitter” hesabında yazıb.
Bildirilir ki, nazir Daniel Pavlyuts COVID-19-a görə test müayinəsindən keçəcək və özünütəcrid rejiminə riayət edəcək. Hazırda o, özünü yaxşı hiss edir və işinin başındadır.
Qeyd edək ki, bir neçə gün öncə Delfi informasiya portalının yazdığı kimi, D. Pavlyuts fevralın 12-də koronavirusa qarşı vaksinin ilkin dozasını qəbul edib.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
