Latviyada koronavirusa yoluxanların sayı artıb
Riqa, 18 fevral, AZƏRTAC
Latviyada son sutka ərzində koronavirusa (COVID-19) yoluxanların sayı 946 nəfər artaraq 78 min 643-ya çatıb.
AZƏRTAC xəbər verir ki, bu barədə Latviyanın Səhiyyə Nazirliyi məlumat yayıb. Bildirilib ki, epidemiyanın yayıldığı tarixdən bəri ölkədə 1 milyon 392 min 143 nəfər müayinə olunub.
Nazirliyin məlumatına əsasən, son sutka ərzində COVID-19 virusuna görə 12 min 251 nəfərdən 946-nın testinin nəticəsi müsbət çıxıb.
Ölkədə son sutka ərzində COVID-19-dan 22 ölüm faktı qeydə alınıb. Sağalanların sayı isə 66 min 208 nəfər təşkil edir.
Latviyada koronavirusa yeni yoluxma hallarının artacağı istisna olunmur.
Asiman Əsədov
AZƏRTAC-ın xüsusi müxbiri
Riqa
Bölmənin digər xəbərləri
