Lənkəran teatrında “Gəl baharım, gəl yazım” tamaşasının premyerası olub
Lənkəran, 16 mart, İlkin Adıyev, AZƏRTAC
Lənkəran Dövlət Dram Teatrında Anar Sadıqovun müəllifi və quruluşçu rejissoru olduğu “Gəl baharım, gəl yazım” tamaşasının premyerası olub.
AZƏRTAC-ın bölgə müxbiri xəbər verir ki, Novruz şənliklərinin əsas personajlarından Keçəl, Kosa, Bahar qız və digərlərinin yer aldığı şən, oynaq musiqilərlə zəngin olan səhnə əsərinin quruluşçu rəssamı Banuçiçək Sadıqova, musiqi tərtibatçısı Miranda Qurbanovadır.
Rolları Allahverən Babayev, Səyad Əliyev, Hikmət Cəfərov, Amil İbrahimli, Gülər Kərimli, Əlirza Şahbazi, Vəfa Hacızadə və digərləri ifa ediblər.
Qeyd edək ki, bayram günlərində oynanılacaq bu tamaşa ilə yanaşı, teatrda axşam saatlarında yuxarı yaş qrupları üçün Könül Məmmədovanın narkomaniyanın fəsadlarından bəhs edən "Yaşayan ölü" və Xalq yazıçısı Kamal Abdullanın "Casus" tamaşaları da nümayiş olunacaq.
Bölmənin digər xəbərləri
