Linda Makmillan: Azərbaycan dağların mühafizəsinə diqqət ayıran ən qabaqcıl ölkələrdən biridir
Bakı, 24 oktyabr (AZƏRTAC). Çox şadam ki, hazırda Bakıda keçirilən “Dünyanın dağlıq regionlarında turizmin davamlı inkişafı üçün dağ idman növlərinin Qafqaz nümunəsində mühüm rolu” mövzusunda Beynəlxalq konfransda iştirak etmək imkanı qazanmışam. Bu, mövsümlə əlaqədar çox vacib tədbirdir.
AZƏRTAC xəbər verir ki, bu sözləri beynəlxalq konfransda iştirak edən Dağçılıq və Dırmanma üzrə Beynəlxalq Federasiyanın (UIAA) Dağların Mühafizəsinə dair Komissiyasının prezidenti xanım Linda Makmillan jurnalistlərə müsahibəsində demişdir.
Linda Makmillan bildirmişdir ki, dünyanın dağlıq regionlarında turizmin davamlı inkişafı üçün dağ idman növlərinin Qafqaz nümunəsində mühüm rolu vardır. Azərbaycan dağların mühafizəsinə diqqət ayıran ən qabaqcıl ölkələrdən biridir.
Linda Makmillan qeyd etmişdir ki, gələcəkdə UIAA və Azərbaycan daha geniş və sıx əməkdaşlıq etməsi üçün hər cür şərait mövcuddur.
Bölmənin digər xəbərləri
