Lisenziyaların verilməsində yeni qaydalar tətbiq olunacaqdır
Bakı, 20 sentyabr (AZƏRTAC). Azərbaycanda turizmlə bağlı yeni qanun qəbul olunduqdan sonra lisenziyaların verilməsində yeni qaydalar tətbiq ediləcəkdir.
AZƏRTAC xəbər verir ki, bu sözləri mədəniyyət və turizm naziri Əbülfəs Qarayev jurnalistlərə müsahibəsində demişdir.
Nazir qeyd etmişdir ki, artıq “Turizm haqqında” yeni qanun layihəsi tamamlanmaq üzrədir və beynəlxalq təşkilatlar layihəyə rəy vermişlər.
Ə. Qarayev demişdir: “Biz onun üzərində artıq geniş layihə proqramı formalaşdırmışıq. Yəni, qanunvericilik çərçivəsində normativ-hüquqi bazanı təkmilləşdirmişik. Artıq beynəlxalq təcrübəyə əsaslanan bir sənəd qəbul olunacaqdır. Düşünürəm ki, bunun nəticəsində lisenziyanın verilmə qaydalarına, orada olan şərtlərə dəyişiklik ediləcək, o cümlədən turizm müəssisələrində, otellərdə daha çox mütəxəssislərin işləməsinə xüsusi əhəmiyyət veriləcəkdir”.
Bölmənin digər xəbərləri
