Lisenziyalaşdırma Qrupu futbol klublarının nümayəndələri ilə görüşüb
Bakı, 30 oktyabr, AZƏRTAC
Bu gün AFFA-nın inzibati binasında Lisenziyalaşdırma Qrupu ilə Topaz Premyer Liqası və birinci divizion klublarının nümayəndələri arasında görüş keçirilib.
Növbəti lisenziyalaşdırma mövsümünün başlanmasına həsr olunmuş görüşdə Qrupun ötən mövsümə dair hesabatı təqdim edilib. Azərbaycanda və Avropa ölkələrində lisenziyalaşdırma prosesinin nəticələri və klublara lisenziya verilməsindən imtina səbəbləri açıqlanıb. Həmçinin lisenziyalaşdırma qaydalarında, o cümlədən sənədlərin qəbulu prosesində edilmiş dəyişikliklər, Maliyyə Fair Play-i, UEFA-nın Klublara Maliyyə Nəzarət Orqanı və digər məsələlər barədə məlumat verilib. Qeyd olunub ki, klubların işini asanlaşdırmaq məqsədilə sənədlər elektron versiyada qəbul ediləcək.
İştirakçılar 2016/2017-cı il lisenziyalaşdırma mövsümü ərzində keçiriləcək seminar və görüşlər barədə də məlumatlandırılıb, onların sualları cavablandırılıb.
Bölmənin digər xəbərləri
