Macarıstanın yeni səfiri etimadnaməsinin surətini Azərbaycanın xarici işlər nazirinə təqdim edib
Bakı, 7 sentyabr, AZƏRTAC
Azərbaycanın xarici işlər naziri Elmar Məmmədyarov Macarıstanın ölkəmizdə yeni təyin olunmuş səfiri Viktor Szederkeni ilə görüşüb.
Xarici İşlər Nazirliyinin mətbuat xidmətindən AZƏRTAC-a bildiriblər ki, görüşdə Viktor Szederkeni etimadnaməsinin surətini Elmar Məmmədyarova təqdim edib.
Səfir ölkəsinin enerji, nəqliyyat, turizm, mədəniyyət və digər sahələrdə Azərbaycan ilə əməkdaşlığı inkişaf etdirməkdə maraqlı olduğunu qeyd edərək, diplomatik fəaliyyəti müddətində ikitərəfli əlaqələrin inkişafı üçün səylərini əsirgəməyəcəyini bildirib.
Elmar Məmmədyarov Viktor Szederkeniyə diplomatik fəaliyyətində uğurlar arzulayıb.
Bölmənin digər xəbərləri
