“Maddənin quruluşu və valentlik” adlı dərs vəsaiti çapdan çıxıb
Bakı, 2 avqust, AZƏRTAC
Azərbaycan Dövlət Pedaqoji Universitetinin (ADPU) əməkdaşları professor Əli Zalov və dosent Hüsü İbrahimovun “Maddənin quruluşu və valentlik” adlı dərs vəsaiti Elmi şuranın qərarı ilə çapdan çıxıb.
Bu barədə AZƏRTAC-a kitabın elmi redaktoru ADPU-nun Analitik və üzvi kimya kafedrasının müdiri professor Əli Zalov bildirib.
Onun sözlərinə görə, ADPU-nun yeni tədris proqramlarına uyğun olaraq hazırlanmış dərs vəsaiti ümumi kimyanın bir çox nəzəri məsələlərini özündə əks etdirir. Professor Çingiz Rəsulov, dosentlər Kərim Quliyev və Ülviyyə Abasquliyevanın rəy verdikləri dərs vəsaiti kimya və biologiya ixtisasları üzrə təhsil alan tələbələr və doktorantlar, müəllimlər, elmi işçilər üçün dəyərli mənbədir”, - deyə Ə. Zalov əlavə edib.
Bölmənin digər xəbərləri
