Magistraturaya qəbulda 29,4 faizlik artım qeydə alınıb
Bakı, 25 iyun, AZƏRTAC
Ali təhsil müəssisələrinin bakalavriat səviyyəsində faktiki tələbə qəbulu son illərdə davamlı artım dinamikası nümayiş etdirib. Belə ki, son dörd il ərzində bakalavriat səviyyəsində qəbul 18 faiz artıb.
Elm və Təhsil Nazirliyindən AZƏRTAC-a bildirilib ki, 2025/2026-cı tədris ilində bakalavriat səviyyəsi üzrə 61 min 420 plan yerindən 60 min 860 nəfər ali təhsil müəssisələrinə qəbul olunub. Bu isə plan yerlərinin 98,4 faizinin dolduğunu göstərir. Qəbul olunan tələbələrin 28 min 421 nəfəri dövlət sifarişi əsasında təhsil almaq hüququ qazanıb.
Qeyd edək ki, magistratura səviyyəsində də son illərdə qəbul göstəricilərində artım müşahidə edilib. Belə ki, 2021/2022-ci tədris ilində 10 min 484 nəfər olan faktiki qəbul 2025/2026-cı tədris ilində 14 min 335 nəfərə çatıb ki, bu da 29,4 faiz artım deməkdir.
Məlumata əsasən, cari tədris ilində magistratura səviyyəsi üzrə 17 min 860 plan yerindən 14 min 335 nəfər ali təhsil müəssisələrinə qəbul olunub və plan yerlərinin 76 faizi təmin edilib. Qəbul olunanların 6 min 674 nəfəri (37,4 faiz) dövlət sifarişi əsasında təhsil almaq hüququ qazanıb.
Bölmənin digər xəbərləri
