“Mançester Siti” misirli futbolçunun keçidini açıqlayıb
Bakı, 23 yanvar, AZƏRTAC
İngiltərənin “Mançester Siti” komandası yeni transferini açıqlayıb.
AZƏRTAC klubun rəsmi saytına istinadən xəbər verir ki, “şəhərlilər” Almaniya “Ayntraxt”ından Omar Marmuşun keçidini həll edib. Misir millisinin hücumçusu ilə 2029-cu ilin yayınadək müqavilə imzalanıb.
25 yaşlı futbolçu yeni komandasında 7 nömrəli formada çıxış edəcək.
Qeyd edək ki, Omar Marmuş bu mövsüm “Ayntraxt”ın heyətində 26 oyunda 20 qol və 14 məhsuldar ötürmə ilə yadda qalıb.
Bölmənin digər xəbərləri
