MARİYA ŞARAPOVA “YORULDUĞUNA” GÖRƏ 150 MİN DOLLAR MƏBLƏĞİNDƏ CƏRİMƏ OLUNACAQDIR
AZƏRTAC assosiasiyanın məlumatına istinadla xəbər verir ki, bu məbləğ tennisçinin mövsüm ərzində qazandığı puldan çıxılacaqdır. Rusiya tennisçisi turnirdə iştirak etməyəcəyini püşkatmadan sonra bildirdiyinə görə cəzalanacaqdır.
Xatırladaq ki, Şarapova Los-Ancelesdə Yelena Dementyevaya məğlub olduqdan sonra Monreal turnirində iştirak etməkdən boyun qaçırmışdır. M.Şarapova demişdir: “Mən təəssüf edirəm ki, bu turnirdə iştirakdan imtina etməli oluram. Lakin hiss edirəm ki, orqanizmim bu səviyyəli turnirdə iştirak üçün tələb olunan gərgin ritmdə daha bir həftə qalmağa hazır deyildir”.
Bölmənin digər xəbərləri
