MARQARET TETÇER VƏ TİNA TÖRNER BÖYÜK BRİTANİYADA İLİN QADINLARI ELAN EDİLMİŞLƏR
Ötən ay 80 yaşı tamam olan baronessa Tetçer bu ada uzunmüddətli siyasi karyerasına və peşəkarlıq sahəsində qazandığı uğurlarla zərif cinsin nümayəndələrini ruhlandırdığına görə layiq görülmüşdür. “Dəmir ledi” bildirmişdir ki, ona göstərilən bu şərəfdən məmnun qalmış və çox sevinmişdir. Qadınların cəmiyyətdəki rolu 80 il əvvəlkindən xeyli dəyişmişdir. Zərif cinsin nümayəndələri iri şirkətlərin rəhbərliyində, məhkəmə sistemində, akademiyalarda və hökumətlərdə böyük vəzifələr tuturlar.
65 yaşlı Tina Törner isə bu ilin fevralında özünün ən yaxşı mahnılarından ibarət növbəti diski buraxmışdır və bu ada dünyada musiqinin inkişafına mühüm töhfə verdiyi üçün layiq görülmüşdür.
“İlin qadını” mükafatı 1955-ci ildə jurnalist ledi Antoniya Lotian tərəfindən təsis edilmişdir.
Bölmənin digər xəbərləri
