Mart qırğını qurbanlarının xatirəsi heç zaman unudulmayacaqdır
Bərdə, 30 mart (AZƏRTAC). Bərdə şəhərindəki elektron kitabxanada 31 mart - Azərbaycanlıların soyqırımı gününə həsr olunmuş tədbir keçirilmişdir.
AZƏRTAC xəbər verir ki, tədbirdə Yeni Azərbaycan Partiyası rayon təşkilatının sədri Fəqət Şadlinskaya və başqaları çıxış edərək erməni millətçilərinin tarixi Azərbaycan torpaqları hesabına “Böyük Ermənistan” yaratmaq məqsədi ilə XX əsrdə xalqımıza qarşı apardıqları təcavüzkar siyasətdən, törədilən faciələrdən, terror aktlarından danışmışdır.
Çıxışlarda 1918-ci ilin martında Bakı və ətraf ərazilərdə baş vermiş faciələr bəşəriyyətə qarşı törədilmiş cinayət kimi qiymətləndirilmiş və bildirilmişdir ki, soyqırımı qurbanlarının xatirəsi heç zaman unudulmayacaqdır.
Yığıncaqda xalqımızın məruz qaldığı faciələrin dünya ictimaiyyətinə çatdırılması və bu hadisələrə siyasi-hüquqi qiymət verilməsində ümummilli lider Heydər Əliyevin xidmətlərindən danışılmış, hazırda bu siyasi xəttin Prezident İlham Əliyev tərəfindən uğurla davam etdirildiyi vurğulanmışdır.
Bölmənin digər xəbərləri
