Media: ABŞ-da respublikaçıların əksəriyyəti Ukraynaya yardımın əleyhinədir
Bakı, 7 aprel, AZƏRTAC
ABŞ-da Respublikaçılar partiyası tərəfdarlarının təxminən 80 faizi Kiyevə maliyyə dəstəyinin əleyhinədir.
AZƏRTAC xəbər verir ki, bunu “The Wall Street Journal” qəzetinin keçirdiyi ictimai rəy sorğusunun nəticələri göstərib.
Sorğuda iştirak edən respublikaçı tərəfdarlarının 79 faizi Ukraynaya yardım göstərilməsinə qarşı çıxıb. Demokratlar partiyasının tərəfdarlarının 83 faizi isə əks fikirdədir.
Tədqiqatın nəticələri digər məsələlərdə də fikirlərin kəskin qütbləşdiyini nümayiş etdirir. Belə ki, Respublikaçılar partiyası tərəfdarlarının 81 faizi amerikalı vergi ödəyicilərinin vəsaitlərinin ABŞ-ın müttəfiqlərinin təhlükəsizliyinə xərclənməsinin dayandırılmasının zəruriliyi ilə bağlı fikirlə razılaşıb. Demokratların 83 faizi isə bunun əksini düşünür.
Eyni zamanda, respublikaçıların 77 faizi ABŞ Prezidenti Donald Trampın elan etdiyi ticarət tariflərini dəstəklədiyi halda, demokratların 93 faizi hesab edir ki, bu, Birləşmiş Ştatlara mənfi təsir göstərəcək.
Qeyd edək ki, martın 27-dən aprelin 1-dək keçirilən sorğuda 1500 amerikalı seçici iştirak edib.
Bölmənin digər xəbərləri
