Məktəbəhazırlıq qruplarına qeydiyyat yekunlaşır
Bakı, 24 sentyabr, AZƏRTAC
Dövlət ümumi təhsil müəssisələrinin məktəbəhazırlıq qruplarına elektron qeydiyyat prosesi bu gün saat 17:00-dək davam edəcək.
Təhsil Nazirliyindən AZƏRTAC-a bildirilib ki, valideynlər qeyd olunan müddətədək (digər qanuni nümayəndələr) mektebeqebul.edu.az portalı vasitəsilə qeydiyyatdan keçərək övladının məktəbəhazırlıq qrupuna cəlb olunması üçün seçdikləri məktəbə sorğu yerləşdirə bilərlər.
Xatırladaq ki, qeydiyyat prosesinə avqustun 18-dən start verilib. 2020-2021-ci dərs ilində məktəbəhazırlıq qruplarına 2015-ci ildə anadan olmuş uşaqlar cəlb olunurlar.
Bölmənin digər xəbərləri
