“Məktəblinin dostu” layihəsinin rəhbəri: İndiyədək 700 uşaq müəyyən səbəblərə görə psixiatrlara yönəldilib
Bakı, 18 aprel, AZƏRTAC
2016-cı ildən bu günə qədər “Məktəblinin dostu” layihəsi çərçivəsində 11 mindən çox uşağa yardım göstərilib.
AZƏRTAC xəbər verir ki, bunu “Məktəblinin dostu” layihəsinin rəhbəri Rüstəm Ağayev layihənin tətbiqinə dair keçirilən dəyirmi masada söyləyib. O bildirib ki, layihə çərçivəsində 2 min 586 dəfə təcili tibbi yardım çağırılıb: “Layihə fəaliyyətə başladığı gündən məktəblərdə 22 dəfə yanğının qarşısı alınıb. Həmçinin iki mindən çox uşağa psixoloji yardım göstərilib. 700 uşaq müəyyən səbəblərə görə psixiatrlara yönəldilib”.
Rüstəm Ağayev qeyd edib ki, “Məktəblinin dostu” layihəsi direktora, məktəb heyətinə bir dəstəkdir.
Bölmənin digər xəbərləri
