Məmməd Musayev: Ölkəmizdə qadın sahibkarlığın inkişafı üçün imkanlar genişdir
Bakı, 20 may, AZƏRTAC
Ötən il Azərbaycanda açılmış iş yerlərinin 90 faizi məhz özəl sektorun payına düşür. Ölkə üzrə sahibkarlığın 99 faizi kiçik və orta sahibkarların payına düşür.
AZƏRTAC xəbər verir ki, bu sözləri Azərbaycan Sahibkarlar Konfederasiyasının (ASK) prezidenti Məmməd Musayev Asiyada Qarşılıqlı Fəaliyyət və Etimad Tədbirləri üzrə Müşavirənin (AQEM) Bakıda keçirilən 10-cu biznes-forumunda çıxışı zamanı deyib.
Onun sözlərinə görə, respublikada sahibkarlığın inkişafı, onların hüquq və mənafelərinin qorunması istiqamətində mühüm addımlar atılıb.
“Xüsusilə də qadın sahibkarlığın inkişafı prioritet təşkil edir, bu sahəyə dövlət qayğısı ilbəil artır. Eyni zamanda, ölkəmizdə qadın sahibkarlığın inkişafı üçün imkanlar genişdir. ASK-ın dəstəyi ilə yaradılan Azərbaycanda Qadın Sahibkarlığının İnkişafı Assosiasiyasının da bu istiqamətdə mühüm rol oynayır”, - deyə M.Musayev bildirib.
Bölmənin digər xəbərləri
