MƏTBUAT ŞURASI DİL KOMİSSİYASININ İCLASI KEÇİRİLMİŞDİR
Tanınmış dilçi alimlərin, mütəxəssislərin və KİV nümayəndələrinin iştirak etdiyi tədbirdə “Ana dili hərəkatı”nın yaradılması, kütləvi informasiya vasitələrinin dilinin mövcud durumunun səbəbləri, problemlərin həlli yolları barədə fikir mübadiləsi aparılmış, mətbuatda, eləcə də efir məkanında dilimizin zəngin imkanlarından istifadənin, qrammatik tələblərə riayət olunmanın zəruriliyi xüsusi qeyd edilmişdir.
Komissiya üzvlərinin fikrinə görə, mətbuatda dilə təcavüz halları kəskin tənqid olunmalı və Mətbuat Şurasına bununla bağlı əlavə səlahiyyətlər verilməlidir.
Sonda bu ilin oktyabrında “Azərbaycanda medianın dili: problemlər və həlli yolları” mövzusunda konfransın keçirilməsi qərara alınmış və tədbirə hazırlıq üzrə işçi qrupu yaradılmışdır.
Bölmənin digər xəbərləri
