Metronun “Xocəsən” stansiyasında texniki səbəblərdən yüksək gərginlik itib
Bakı, 1 avqust, AZƏRTAC
“Xocəsən” stansiyasından sınaq xarakterli ilk qatar yola salındıqdan sonra texniki səbəblərdən yüksək gərginliyin itməsi qeydə alınıb.
“Bakı Metropoliteni” QSC-nin mətbuat xidmətindən AZƏRTAC-a verilən məlumata görə, nəticədə qrafik üzrə növbəti qatarın stansiyadan yola salınmasında 20 dəqiqə yubanma qeydə alınıb.
Lakin Bənövşəyi xəttin "Avtovağzal-8 Noyabr" sahəsində qatarların hərəkəti intervallara riayət olunmaqla qrafik üzrə təmin olunub.
Baş vermiş hadisə ilə bağlı hazırda texniki araşdırma aparılır.
Bölmənin digər xəbərləri
