MİLLİ AZLIQLARIN VƏZİYYƏTİNƏ DAİR SEMİNAR KEÇİRİLMİŞDİR
Avropa Şurasının təşəbbüsü ilə təşkil olunmuş tədbirə ölkəmizin dövlət qurumlarının, o cümlədən Xarici İşlər, Ədliyyə, Daxili İşlər, Təhsil, Mədəniyyət nazirliklərinin, Ombudsman Aparatının, Dövlət Statistika Komitəsinin, milli azlıqlar üzrə QHT-lərin nümayəndələri qatılmışlar.
Seminarda Avropa Şurasının Milli Azlıqlarının Müdafiəsi üzrə Çərçivə Konvensiyası Məşvərətçi Komitəsinin rəhbəri Ozborn Eyde və Milli siyasət məsələləri üzrə dövlət müşaviri Hidayət Orucov məruzə etmişlər.
Azərbaycan Respublikasının insan hüquqları üzrə müvəkkili Elmira Süleymanova respublikada insan hüquqlarının, həmçinin azyaşlı xalqların hüquqlarının qorunması sahəsində görülən işlərdən danışmışdır. O qeyd etmişdir ki, ölkəmiz qısa müddət ərzində dünya birliyinin tam bərabərhüquqlu üzvü olmuş, bu günə kimi 220-dən artıq beynəlxalq müqaviləyə qoşulmuşdur.
Ombudsman fəaliyyət istiqamətlərindən birinin ayrı-seçkiliklə mübarizə, bu kimi halların qarşısının alınması ilə bağlı olduğunu diqqətə çarpdırmış və bu sahədə həyata keçirdiyi tədbirlər barədə məlumat vermişdir.
Seminar Çərçivə Konvensiyasının müddəalarının müzakirəsi ilə davam etdirilmişdir.
Bölmənin digər xəbərləri
