Milli Kitabxanada “21 Fevral – Beynəlxalq Ana Dili Günü” adlı sərgilər açılıb
Bakı, 20 fevral, AZƏRTAC
Milli Kitabxanada “21 Fevral – Beynəlxalq Ana Dili Günü” adlı virtual və eyniadlı ənənəvi kitab sərgisi açılıb.
Bu barədə AZƏRTAC-a kitabxanadan məlumat verilib.
Bildirilib ki, virtual sərgidə Azərbaycan dilinin dövlət dili kimi inkişafı uğrunda Ümummilli Lider Heydər Əliyevin mübarizəsindən, Prezident İlham Əliyevin dil siyasəti, Azərbaycan dili tarixi, dilçilik məsələləri, həmçinin dilin tədrisi ilə bağlı tədqiqatlar, dövrü mətbuatda çap olunan məqalələr yer alıb.
Virtual sərgi ilə linki vasitəsilə tanış olmaq mümkündür.
Ənənəvi sərgidə Azərbaycan dövlət dil siyasətinin formalaşması tarixi, ana dilinin həm ümumxalq dili, həm də dövlət dili kimi inkişafında Ulu Öndər Heydər Əliyevin misilsiz xidmətləri, dil haqqında aforizmlər, dilin tədqiqi, tarixi, tədrisi məsələləri, dünya dilləri haqqında tədqiqatlar, xarici dillərdə lüğətlər nümayiş olunub.
Həmçinin mövzu ilə bağlı Azərbaycan və müxtəlif dillərdə ədəbiyyatlar, monoqrafiyalar, dərsliklər, elmi əsərlər toplusu sərgilənib.
Bölmənin digər xəbərləri
