MİLLİ MƏCLİSİN DAİMİ KOMİSSİYALARI MONİTORİNQ KEÇİRƏCƏKLƏR
Milli Məclisin sosial siyasət daimi komissiyasının sədri Hadi Rəcəbli AZƏRTAC-ın müxbirinə bildirmişdir ki, parlamentin yaz sessiyasında Ailə Məcəlləsinə əlavə və dəyişikliklər ediləcəkdir. Buna səbəb respublikada uşaqların yerli və xarici vətəndaşlara övladlığa verilməsi, gənc ailələrin qurulması və ailə ilə bağlı digər sahələrdə problemlərin yaranmasıdır. Bu problemlərlə əlaqədar, komissiyaya notariat orqanlarından, məhkəmə və Vətəndaşlıq Vəziyyəti Dövlət Qeydiyyatı şöbələrindən də müxtəlif təkliflər daxil olur. Əlavə və dəyişiklikləri kompleks hala gətirmək, yerlərdə buna münasibəti daha ətraflı öyrənmək məqsədi ilə 2005-ci ilin əvvəllərində hüquq siyasəti və dövlət quruculuğu məsələləri daimi komissiyası ilə birlikdə monitorinq keçirəcəyik.
Bölmənin digər xəbərləri
