MİNGƏÇEVİRDƏ XOCALI FACİƏSİ QURBANLARININ XATİRƏSİ YAD EDİLMİŞDİR
Mingəçevir, 26 fevral (AZƏRTAC). Mingəçevir şəhərində Xocalı soyqırımının 17-ci ildönümünə həsr olunmuş silsilə tədbirlər keçirilmişdir.
Şəhərin idarə, müəssisə və təşkilatlarında, təhsil müəssisələrində anma mərasimləri olmuş, səhnələşdirilmiş kompozisiyalar göstərilmişdir. Məktəblərdə soyqırımla bağlı fotoşəkillər, rəsm sərgiləri açılmışdır. Fevralın 26-da tədris ocaqlarında ilk dərslər bu dəhşətli faciəyə həsr edilmişdir. Şagirdlərə Xocalı faciəsinin başvermə səbəbləri və mahiyyəti barədə məlumat verilmişdir.
Mingəçevir Politexnik İnstitutunda, Azərbaycan Müəllimlər İnstitutunun Mingəçevir filialında, Turizm Kollecində Xocalı faciəsi qurbanlarının xatirəsi yad edilmişdir.
Şəhər icra hakimiyyətində Xocalıdan olan məcburi köçkün ailələri ilə görüş keçirilmiş, onlara maddi yardım göstərilmişdir.
Məscidlərdə faciə qurbanlarının ruhuna dualar oxunmuşdur.
Bölmənin digər xəbərləri
