MİXAİL QUSMANIN “HAKİMİYYƏTİN FORMULU” KİTABININ TƏQDİMATI OLMUŞDUR
Kitaba dünyanın müxtəlif ölkələrinin liderləri ilə 55 müsahibə və müəllifin şərhləri daxil edilmişdir. M.Qusmanın sözlərinə görə, onun həmsöhbətləri müxtəlif yaşda olsalar da, qeyri-adi, böyük, parlaq şəxsiyyətlərdir.
“Hakimiyyətin formulu” televiziya silsiləsinin müəllifi və aparıcısı müsahibələrin qəhrəmanlarının – kralların və kraliçaların, prezidentlərin və baş nazirlərin payına yüksək vəzifənin – yeni minilliyin başlıca hədələrinə cavab tapmaq imkanının düşməsindən söhbət açır. Onlar öz xalqları, tarix və gələcək qarşısında üzərlərinə çox böyük məsuliyyət götürmüşlər. Məhz bu məsuliyyət “Hakimiyyətin formulu”nun başlıca tərkib hissəsidir.
Mixail Qusmanın kitabında dövlət və hökumət başçıları təkcə onları hakimiyyətin zirvəsinə aparan yoldan deyil, həm də şəxsi həyatları, vərdişləri və maraqlarından da söhbət açırlar. “Terra” nəşriyyatında çap edilmiş kitab geniş oxucu kütləsi üçün nəzərdə tutulmuşdur. Nəşr müxtəlif ölkələrin tarixi və mədəniyyəti ilə tanış olmaq imkanı verir.
“Hakimiyyətin formulu” silsilə televiziya verilişlərinin yaradıcı kollektivi 2003-cü ildə ədəbiyyat və incəsənət sahəsində RF Dövlət mükafatına layiq görülmüşdür.
Bölmənin digər xəbərləri
