MOSKVA VİLAYƏTİNDƏ KEÇİRİLƏN BEYNƏLXALQ SƏRGİDƏ AZƏRBAYCANLA BAĞLI KİTABLAR NÜMAYİŞ ETDİRİLMİŞDİR
Moskva vilayətinin Zveniqorod şəhərində “Kitabxanalar üçün informasiya texnologiyaları, kompüter sistemləri və çap məhsulları - LİBKOM 2004” adlı VIII Beynəlxalq konfrans və sərgi keçirilmişdir.
AZƏRTAC xəbər verir ki, Azərbaycan Milli Elmlər Akademiyasının mərkəzi elmi kitabxanasının (MEK) direktoru Aybəniz Əliyeva-Kəngərli və onun müavini Firəngiz Hüseynova da həmin tədbirlərdə iştirak etmişlər.
İngiltərə, Almaniya, Rusiya, Hollandiya, Azərbaycan, Gürcüstan və digər ölkələrdən olan mütəxəssislərin iştirak etdikləri sərgidə Azərbaycanla bağlı qiymətli kitablar nümayiş etdirilmiş və həmin nəşrlər Rusiyanın Milli və Elmlər Akademiyasının kitabxanalarına hədiyyə edilmişdir.
Bölmənin digər xəbərləri
