Muğam Mərkəzində əfsanəvi rejissor İosif Rayxelhauz ilə görüş keçiriləcək
Bakı, 6 aprel, AZƏRTAC
Bakıda ilk dəfə rusiyalı məşhur teatr rejissoru, pedaqoq, Rusiya Teatr Sənəti İnstitutunun professoru, Moskvadakı “Müasir pyes məktəbi” teatrının banisi və bədii rəhbəri, Rusiyanın Xalq artisti İosif Rayxelhauz ilə görüş keçiriləcək.
AZƏRTAC xəbər verir ki, əslən Odessadan olan, odessalılara xas koloritli yumor hissi ilə seçilən İosif Leonidoviç tamaşaçı ilə hər bir görüşü unudulmaz bayrama çevirməyi bacarır.
Aprelin 14-də məxsusi olaraq Beynəlxalq Muğam Mərkəzinin rahat salonunda keçiriləcək görüş üçün hazırlanmış “İosif və onun nağılları” proqramında tamaşaçılar Rayxelhauzu həm rejissor və pedaqoq, həm də son dərəcə cazibədar insan kimi tanıyacaqlar.
İ.L.Rayxelhauz ilə yaradıcı görüş bu tədbirin iştirakçılarının xatirəsində uzun müddət qalacaq.
Görüşdə rejissor sovet dövrünün çox məşhur və sevimli artistləri, habelə müasir dövrün rejissorları və artistləri ilə bağlı teatr əhvalatları danışacaq, bir də əlbəttə, sevimli qələm və söz ustalarının şeirlərini söyləyəcək.
Bölmənin digər xəbərləri
