SİYASƏT
MURMANSKDA AZƏRBAYCANIN DÖVLƏT MÜSTƏQİLLİYİ GÜNÜ QEYD EDİLMİŞDİR
Murmansk, 17 oktyabr (AZƏRTAC). Murmanskda Ümumrusiya Azərbaycan Konqresinin (ÜAK) Azərbaycanın Dövlət Müstəqilliyi gününə həsr olunmuş təntənəli iclası olmuşdur. ÜAK-ın Murmansk regional bölməsinin sədri, Murmansk vilayəti İctimai Palatasının üzvü Afil Hüseynov həmvətənlərə təbrik nitqi ilə müraciət edərək bildirmişdir ki, ölkəmiz Prezident İlham Əliyevin uğurlu siyasəti sayəsində dünyada sayılıb-seçilən, çiçəklənən dövlətə çevrilmişdir.
Tədbirdə iştirak edən Murmansk vilayəti hökumətinin nümayəndəsi Olqa Babuşkina diaspor üzvlərini bayram münasibətilə təbrik edərək, Rusiya ilə Azərbaycan arasında səmərəli əməkdaşlığın inkişafında dövlətimizin başçısının müstəsna xidmətlərini vurğulamışdır.
Bayram münasibətilə təşkil olunan konsertdə Azərbaycan və rus dillərində xalq və estrada mahnıları səsləndirilmişdir.